Office of the Australian Information Commissioner (OAIC) မ့ၢ်ထံကီၢ်ပှၤထုးထီၣ်တၢ်သိၣ်တၢ်သီအသဘျ့လၢတၢ်သ ဒံၣ်သဒၢဒီးတၢ်ဂ့ၢ်တၢ်ကျိၤအသဘျ့န့ၣ်လီၤ.
ပဟ့ၣ်သဆၣ်ထီၣ်ဒီးဒီသဒၢပၢၤဃာ်နခွဲးယာ်လၢတၢ်ကမၤန့ၢ်သူပဒိၣ်ဖီၣ်ဃာ်တၢ်ဂ့ၢ်တၢ်ကျိၤဒီးမၢတၢ်ဒီသဒၢနနီၢ်တဂၤအဂ့ၢ်အကျိၤန့ၣ်လီၤ.
တၢ်ဂ့ၢ်တၢ်ကျိၤအတၢ်သဘျ့
အီးစတြ့လယါတၢ်ဂ့ၢ်တၢ်ကျိၤသဘျ့အတၢ်သိၣ်တၢ်သီ (Australian Freedom of Information Act 1982 (FOI Act) ဟ့ၣ်နၤဒီးခွဲးယာ်လၢသဲစးပာ်လီၤဃာ်လၢကမၤန့ၢ်သူလံာ်လဲၢ်တဖၣ်လၢအီးစတြ့လယါပဒိၣ်ဒီး Norfolk ကီးကရၢခၢၣ်စး ဒီးကိတိာ်တဖၣ်ဖီၣ်ဃာ်၀ဲဒၣ်န့ၣ်လီၤ. နသူ၀ဲဒၣ်ခွဲးယာ်တခါအံၤလၢတၢ်ကမၤန့ၢ်သူတၢ်လၢတၢ်ကသမံသမိး၀ဲဒၣ်နနီၢ်တဂၤအဂ့ၢ်အကျိၤန့ၣ်မ့ၢ်အလၢအပှဲၤဧါဒီးချုးလိာ်သးဒီးမ့ၢ်ဒ်ခ့ခါတကီၢ်ခါဧါလၢတၢ်ကမၤလိန့ၢ်အါထီၣ်ဘၣ်ဃးပဒိၣ်အတၢ်ဆၢတဲာ်,မ့တမ့ၢ်လၢတၢ်ကနုၥ်ပၣ်ဃုၥ်လၢတၢ်ကတဲသကိးဘၣ်ဃးပဒိၣ်အဖီလစံၣ်မ့တမ့ၢ်တၢ်ဘျၢတဖၣ်န့ၣ်လီၤ.
FOI အသဲစးစ့ၢ်ကီးလိၣ်ဘၣ်ပဒိၣ်အတၢ်ကရၢကရိတဖၣ်လၢတၢ်ကထုးထီၣ်ရၤလီၤတၢ်ဂ့ၢ်တၢ်ကျိၤန့ၣ်လီၤ. လၢတၢ်ဂ့ၢ် တၢ်ကျိၤအတၢ်ဘိးဘၣ်ရၤလီၤအတၢ်တိာ်ကျဲၤအဖီလာ်န့ၣ်,ကရၢတဖၣ်ကဘၣ်ထုးထီၣ်ရၤလီၤတၢ်ဂ့ၢ်တၢ်ကျိၤလၢအ၀ဲသ့ၣ်အပှာ်ယဲၤသန့အလိၤလၢအရှဲပၠးမ့ၢ်အ၀ဲသ့ၣ်ကကရၢကရိထီၣ်အသးဒ်လဲၣ်ဒီးမ့ၢ်အ၀ဲသ့ၣ်မၤတၢ်ဆၢတဲာ်လၢအမၤဘၣ်ဒိနၤဒ်လဲၣ်န့ၣ်လီၤ. ကရၢခၢၣ်စးဒီးကိတိာ်တဖၣ်ကဘၣ်ထုးထီၣ်ရၤလီၤတၢ်ဂ့ၢ်တၢ်ကျိၤလၢတၢ်ဟ့ၣ်လီၤလၢအတၢ်စံးဆၢ၀ဲ ဒၣ်ဆူတၢ်ဂ့ၢ်တၢ်ကျိၤအတၢ်သဘျ့ (FOI) အတၢ်ဃ့ထီၣ်လၢတၢ်ထုးဖျါထီၣ်အလီၢ်တခါအလိၤန့ၣ်လီၤ.
မ့ၢ် OAIC မၤစၢၤနၤကသ့ဒ်လဲၣ်
- တၢ်ကွၢ်သမံသမိးက့ၤတၢ်- ဖဲနမ့ၢ်တအၢၣ်လီၤတူၢ်လိာ်၀ဲဒၣ်တၢ်ဆၢတဲာ်တခါလၢအဘၣ်တၢ်မၤအီၤခီဖျိပဒိၣ်အတၢ် ကရၢကရိလၢအအိၣ်လၢ FOI အတၢ်သိၣ်တၢ်သီအဖီလာ်န့ၣ်,နသံကွၢ်ကရၢခၢၣ်စးလၢကကွၢ်သမံသမိးက့ၤအ ၀ဲသ့ၣ်အတၢ်ဆၢတဲာ်သ့လီၤ. ဖဲနမ့ၢ်တသးမံဒီးကရၢခၢၣ်စးမ့တမ့ၢ်ကိတိာ်အတၢ်စံးဆၢန့ၣ်,နပတံထီၣ်လၢ OAIC အအိၣ်လၢတၢ်ကွၢ်သမံသမိးက့ၤတၢ်ဆၢတဲာ်အဂီၢ်သ့စ့ၢ်ကီးလီၤ.
- တၢ်ကဒူးကဒ့ၣ်တဖၣ်- နကဒူးကဒ့ၣ်စ့ၢ်ကီးတၢ်ဆူ OAIC ဖဲနမ့ၢ်အိၣ်ဒီးတၢ်ဘၣ်ယိၣ်တဖၣ်လၢအဘၣ်ဃးဒီးမ့ၢ် တၢ်ကရၢကရိဟံးထီၣ်သူ၀ဲဒၣ်န FOI အတၢ်ဃ့ထီၣ်မ့တမ့ၢ်တၢ်မၤအဂၤလၢအဘၣ်တၢ်မၤအီၤလၢ FOI အတၢ်သိၣ် တၢ်သီအဖီလာ်တခါလၢ်လၢ်ဒ်လဲၣ်အဖီခိၣ်န့ၣ်သ့လီၤ.
တၢ်သဒံၣ်သဒၢ
အီးစတြ့လယါ တၢ်သဒံၣ်သဒၢအတၢ်သိၣ်တၢ်သီ 1988 ဒီသဒၢနီၢ်တဂၤအတၢ်ဂ့ၢ်တၢ်ကျိၤလီၤ. တၢ်အံၤမ့ၢ်တၢ်ဂ့ၢ်တၢ်ကျိၤ တခါလၢအနဲၣ်ဖျါနၤမ့တမ့ၢ်နဲၣ်ဖျါနၤသ့, ပၣ်ဃုာ်နမံၤ,အိၣ်ဆိးလီၢ်,ကသံၣ်ကသီအတၢ်မၤနီၣ်မၤဃါတဖၣ်,စ့တၢးစရီအဂ့ၢ်အကျိၤလီၤတံၢ်တဖၣ်,တၢ်ဂီၤဒီးတုၤဒၣ်လဲာ်တၢ်ဂ့ၢ်တၢ်ကျိၤဘၣ်ထွဲဒီးတၢ်လၢနအဲၣ်ဒိးအီၤ,နတၢ်ဆိကမိၣ်ဆိကမးတဖၣ်ဒီးတၢ်လီၢ်လၢနမၤတၢ်န့ၣ်လီၤ.
တၢ်သဒံၣ်သဒၢအတၢ်သိၣ်တၢ်သီပာ်လီၤန့ၢ်တၢ်ဘျၢလၢတၢ်ထၢဖှိၣ်ဒီးတၢ်သူ၀ဲဒၣ်နီၢ်တဂၤအဂ့ၢ်အကျိၤ, ပၣ်ဃုၥ်တၢ်သူအီၤဒီးတၢ်ထုးဖျါထီၣ်,အတၢ်မ့ၢ်တၢ်တီ, မ့ၢ်တၢ်ဘၣ်အီၤဘံၣ်ဘံၣ်ဘၢဘၢဆံးအါလဲၣ်ဒီးနခွဲးယာ်လၢတၢ်ကမၤန့ၢ်သူတၢ်ဂ့ၢ်တၢ် ကျိၤန့ၣ်လီၤ.
တၢ်သဒံၣ်သဒၢအတၢ်သိၣ်တၢ်သီန့ၣ်တၢ်သူအီၤလၢအီးစတြ့လယါပဒိၣ်, Norfolk ကီးအပဒိၣ်အကရၢခၢၣ်စးတဖၣ်ဒီး တၢ်ကရၢကရိလၢတမ့ၢ်ပဒိၣ်လီၤလီၤဆီဆီတနီၤအဂီၢ်လီၤ. တၢ်သူ၀ဲဒၣ်တၢ်ပျဲပူၤဖျဲးတနီၤလၢအပာ်ဃုာ်လၢမုၢ်၀ဲၤဆံး ဆံးဖိတဖၣ်အဂီၢ်တနီၤလီၤ. တၢ်သိၣ်တၢ်သီအံၤတကျၢၢ်ဘၢ၀ဲဒၣ်ကီၢ်စဲၣ်ဒီးဟီၣ်က၀ီၤဒိၣ်ပဒိၣ်အတၢ်က ရၢကရိ တဖၣ် န့ၣ်ဘၣ်. တၢ်ဘျၢလီၤဆီတဖၣ်တၢ်သူအီၤလၢတၢ်ကရဲၣ်ကျဲၤ၀ဲဒၣ်ခိသွဲလံာ်တြံာ်အနီၢ်ဂံၢ်တဖၣ်န့ၣ်လီၤ.
မ့ၢ် OAIC မၤစၢၤနၤကသ့ဒ်လဲၣ်
- တၢ်ကဒူးကဒ့ၣ်တဖၣ်- ဖဲနဆိကမိၣ်လၢတၢ်မၤတံာ်တာ်တခါမ့ၢ်အိၣ်ထီၣ်ဒီးနနီၢ်တဂၤအတၢ်ဂ့ၢ်တၢ်ကျိၤန့ၣ်, နကဘၣ်တီၣ်ထီၣ်တၢ်ကဒူးကဒ့ၣ်ဆူတၢ်ကရၢကရိမ့တမ့ၢ်ကရၢခၢၣ်စးအအိၣ်လၢညါလီၤ. ဖဲ, အသီ 30 ၀ံၤအလီၢ်ခံ, နမ့ၢ်တမၤန့ၢ်တၢ်စံးဆၢတခါမ့တမ့ၢ်နသးမ့ၢ်တမုာ်ဒီးတၢ်စံးဆၢမၤန့ၢ်နၤတၢ်န့ၣ်,နမၤတၢ်ကဒူးကဒ့ၣ်ဆူ OAIC အအိၣ်သ့လီၤ. ပကဆိကမိၣ်ဃုာ်နတၢ်ကဒူးကဒ့ၣ်ဒီးကကျဲးစၢးဃဲၣ်လီၤဘှါလီၤအီၤခီဖျိတၢ်ကျဲၤ ဘၣ်မၤ ဘၣ်လိာ်တၢ်န့ၣ်လီၤ. တၢ်အစၢလၢအအိၣ်ထီၣ်ပၣ်ဃုာ်တၢ်ဃ့ကညး,တၢ်ဆီတလဲတခါလၢတၢ်ကရၢကရိအတၢ်ဖံး တၢ်မၤအဂီၢ်မ့တမ့ၢ်အကျိၤအကွာ်တဖၣ်မ့တမ့ၢ်တၢ်ဟ့ၣ်က့ၤပှဲၤက့ၤတၢ်လၢအမ့ၢ်ကျိၣ်စ့မ့တမ့ၢ်တမ့ၢ်ကျိၣ်စ့တၢ်ဟါမၢ်အဂီၢ်န့ၣ်လီၤ.
ဆဲးကျိး၀ဲဒၣ် OAIC
ပှာ်ယဲၤသန့ | |
|---|---|
လၢတၢ်သံကွၢ်သံဒိးတၢ်ဂ့ၢ်ခီဖျိလီတဲစိအဂီၢ် | 1300 363 992 (အီးစတြ့လယါအပူၤ) OAIC အံၤမ့ၢ်တၢ်သံကွၢ်တၢ်ဂ့ၢ်အကျိၤလၢအိးထီၣ်အသးမုၢ်ဆၣ်တုၤမုၢ်လ့ၤဧိၤစး ထီၣ် ဂီၤ 10 နၣ်ရံၣ်တုၤဟါ 4 နၣ်ရံၣ် (AEST/AEDT) တၢ်ဆၢကတီၢ်န့ၣ်လီၤ. လၢတၢ်ကကတိၤတၢ်ဒီးပှၤတဂၤလၢနကစၢ်အကျိာ်အဂီၢ်,ကိးဘၣ်လံၥ်တၢ်ကျိးထံဒီးတၢ်ကတိၤကျိးထံတၢ်မၤစၢၤ Translating and Interpreting Service (TIS National) လၢ 131 450 မ့ၢ်၀ံၤဃ့န့ၢ်လၢတၢ်ကကိးန့ၢ်နၤ 1300 363 992 န့ၣ်တက့ၢ်. ထံကီၢ်တၢ်ဆှၢခီဃီၤဆူညါအတၢ်မၤစၢၤ National Relay Service (NRS) န့ၣ်မၤစၢၤ နၤဖဲနမ့ၢ်ပှၤလၢအအိၣ်ဒီးနၢ်အတၢ်ဂ့ၢ်ကီ,တနၢ်ဟူတၢ်ဘၣ်မ့တမ့ၢ်အိၣ်ဒီးတၢ်ကီတၢ်ခဲလၢတၢ်ကနၢ်ဟူတၢ်မ့တမ့ၢ်ကတိၤတၢ်ဒီးပှၤလၢအနၢ်ဟူတၢ်လၢလီတဲစိအပူၤအခါန့ၣ်သ့လီၤ. |
လၢလီပှာ်ယဲၤအဖီခိၣ်တၢ်ဃုထံၣ်သ့ၣ်ညါ | တီၣ်ထီၣ် တၢ်ဃိထံသ့ၣ်ညါအလံာ်တကွီၢ်ဒိ |
ဆှၢခီဖျိလံာ်ပရၢတၢး | GPO Box 5288 |
ဖဲး(စ) | +61 2 6123 5145 |
ဖဲနမ့ၢ်ကျဲးစၢးဆဲးကျိးအီးစတြ့လယါအပဒိၣ်အကရၢမ့တမ့ၢ်အကိတိာ်အဂၤတခါန့ၣ်,၀ံသးစူၤလဲၤအိၣ်သကိးဘၣ် Australian Government Directory (အီးစတြ့လယါပဒိၣ်တၢ်နဲၣ်ကျဲ)တက့ၢ်.
