OAIC Notice - Immigration Data Breach Privacy Complaint - Syhleti

ইমিগ্রেশন ডাটা লঙ্ঘন গুফনীয়তার অভিযুগ

ফটভূমি

১০ ফেব্রুয়ারি ২০১৪ তারিখো, ডিপার্টমেন্ট অব ইমিগ্রেশন অ্যান্ড বর্ডার প্রোটেকশন (অখন ডিপার্টমেন্ট অফ হোম অ্যাফেয়ার্স) (ডিপার্টমেন্ট) তারার ওয়েবসাইটো ভুল করিয়া একটা ডিটেনশন প্রতিবেদন ফ্রুকাশ করছিল  যার মাঝে করা ব্যক্তিগত তইথ্য( ডাটা লঙ্ঘন) লাগানি আছিল।

রিপোর্টর মাঝে ৩১ জানুয়ারি ২০১৪  তারিখো অভিবাসনও আটকাইল থাকা হকল ৯,২৫৮ জন ব্যক্তির ব্যক্তিগত ই আছিল।

৩০ আগস্ট ২০১৫ তারিখ, ডিপার্টমেন্টে ভুল করিয়া যেতাহকল ব্যক্তির (ক্লাস সদস্য) ইফ্রকাশ করছিল তারার ফক্ক থাকি অফিস অব দি অস্ট্রেলিয়ান ইনফর্মেশন কমিশনার (OAIC)-অর কাছে একটা ফ্রতিনিধিত্বমূলক অভিযুগফত্র দেয়া অইছিল। অভিযোগ ফত্রৎ আবেদুন করা অইছিল ডিপার্টমেন্ট যেন মাফ চায় আর ক্ষতিফূরণ দেয়।

৯ ফেব্রুয়ারি ২০১৮ তারিখো, মূল ফ্রতিনিধিত্বমূলক অভিযোগখারীর সলিসিটরে OAIC-রে জানাইছলা যে তারার ক্লায়েন্ট মারা গেছইন। ১০ অক্টোবর ২০১৮ তারিখোতারিখো কমিশনারে প্রাইভেসী অ্যাক্ট ১৯৮৮ (Cth) (প্রাইভেসী অ্যাক্ট)-অর সেকশন ৩৮বি(১) অনুসারে মূল ফ্রতিনিধিত্বমূলক অভিযোগকারীরে আরেকজন ক্লাস সদ ইস্য (ফ্রতিনিধিত্বমূলক অভিযুগকারী) দ্বারা ফ্রতিস্থাফন করার সিদ্ধান্ত নিছলা। স্লেটার অ্যান্ড গর্ডন-এ ফ্রতিনিধিত্বমূলক অভিযুগকারীর ফক্কে কাম করইন। স্লেটার অ্যান্ড গর্ডন সম্পর্কিত তইথ্য তারার ওয়েবসাইটো ফাওয়া যাইবো।

২৪ জানুয়ারি ২০১৮ তারিখোখো কমিশনারে নোটিশ (নোটিশ) দিছলা যে যুদি ক্লাস সদইস্যহকল বিশ্বাস করইন যে ডাটা লঙ্ঘনোর কারণে তারা লুকসান অথবা ক্ষতির মুখামুখি অইছইন আর যুদি তারা ই লুকসান অথবা ক্ষতির লাগি সইম্ভাব্য ক্ষতিফূরণ চাইয়া থাকইন, তাঅইলে তারারে তারার লুকসান অথবা ক্ষতি সম্পর্কে ত ইথ্য ১৯ এপ্রিল ২০১৮ তারিখো বিকাল ৪:০০টার মাঝে OAIC-রে দিতো অইবো।

নোটিশোর উত্তর দিবার নির্ধারিত তারিখ ১৯ অক্টোবর ২০১৮ তারিখ ফর্যন্ত বাড়ানি অইছিল। OAIC-এ কিছু ক্লাস সদইস্যর ক্ষেত্রে নির্ধারিত তারিখটা আরো বাড়াইছলা আর ২২ এপ্রিল ২০১৯ তারিখো জমা দেয়া আবেদনহকল শেষকরা অইছিল।

নির্ধারণ

১১ জানুয়ারি ২০২১ তারিখো, কমিশনার প্রাইভেসী অ্যাক্ট (নির্ধারণ)-অর ৫২ নম্বর অনুচ্ছেদোর অধীনো একখান নির্ধারণ জারি করছিলা।ননির্ধারণো যেতা ফাওয়া গেছিল:

  • ডাটা লঙ্ঘনের ফলে ডিপার্টমেন্ট এমন আচরণো জড়িত অইছে যেতা একজন ব্যক্তির গুফনীয়তারে নষ্ট করে; আর
  • যেতা ক্লাস সদইস্য নোটিশোর উত্তরে আবেদন জমা দিছইন আর লুকসান অথবা ক্ষতির প্রমাণ দাখিল করছইন (অংশগ্রহণকারী ক্লাস সদইস্য) তারারে কমিশনারোর দ্বারা নির্ধারিত উফায়ে ক্ষতিফূরণ দিতো অইবো।

কমিশনারে নির্ধারণ করছইন যে অংশগ্রহণকারী ক্লাস সদইস্যরারে নীচোর  টেবিল (টেবিল ১)-অর লুকসান অথবা ক্ষতির শ্রেণি অনুযায়ী ক্ষতিফূরণ দিতো অইবো।

টেবিল ১

ক্লাসোর সদস্য হকলর লুকসান অথবা ক্ষতির শ্রেণিবিভাগ আর ক্ষতিফূরণোর নির্দেশক ফরিমাণোর টেবিল

অর্থনৈতিক নায় এমনতা ক্ষতির শ্রেণিবিভাগ

  + অর্থনৈতিক ক্ষতি

(কেইস-বাই-কেইস হিসাব)

ব্যক্তির কুনু আবেদন আর/অথবা ডাটা লঙ্ঘনোর ফলো লুকসান অথবা ক্ষতি অইছে তাইন ইলান কুনু প্রমাণ দিছইন না।

 

ডাটা লঙ্ঘনোর ফলো সাধারণ দুশ্চিন্তা, হতাশা, উদ্বেগ অথবা বিব্রতকর অবস্থা।

 

ডাটা লঙ্ঘনোর ফলো কম- বেশি দুশ্চিন্তা, ডর, বেদনা আর যন্ত্রণা, হতাশা অথবা অফমান যার ফলে ঘুম কমি যাওয়া অথবা মাথা বেদনার লাখান ছুট খাটো শারীরিক সমইস্যা দেখা দিতো  ফারে আর যার লাগি স্বাস্থ্য বিশেষইজ্ঞর ফরামর্শ দরকার অইতো  ফারে।

 

ডাটা লঙ্ঘনোর ফলো উল্লেখযুগ্য অথবা বেশি উদ্বেগ, ডর, বেদনা আর যন্ত্রণা, হতাশা অথবা অফমান যার ফলে মানসিক অথবা অন্যাইন্য ক্ষতি অইতো ফারে, আর যেতার লাগি একজন জেনারেল প্র্যাক্টিশনারোর কাছ  তাকি নির্ধারিত চিকিৎসা দরকার অইতো ফারে

 

ডাটা লঙ্ঘনোর ফলে মানসিক স্বাইস্থ্যর সমস্যা তৈরি অওয়া অথবা বাড়া, যার লাগি কুনু মানসিক স্বাইস্থ্য বিশেষইজ্ঞর চিকিৎসার রেফারেল দরকার অয়

 

ডাটা লঙ্ঘনোর ফলো বেশি ক্ষতি অথবা লুকসান

 

 

অর্থনৈতিক নায় এমন ক্ষতির শ্রেণিবিভাগ

শ্রেণি ০: $০

শ্রেণি ১: $৫০০ - $৪০০০

শ্রেণি ২: $৪০০১ - $৮০০০

শ্রেণি ৩: $৮০০১ - $১২০০০

শ্রেণি ৪: $১২০০১ - $২০০০০

শ্রেণি ৫: > $২০,০০০

টেবিল ১ বানানি অইছে অর্থনৈতিক নায় এমনতা ক্ষতির ক্ষতিফূরণর হিসাবো সাইয্য করার লাগি। অর্থনৈতিক ক্ষতির ক্ষতিফূরণ হিসাবো সাইয্য  করার লাগি ইটাইটা বানানি অইছে না। যেতা ক্লাস সদইস্যয় দাবি করছইন যে ডাটা লঙ্ঘনোর ফলে তারা অর্থনৈতিক ক্ষতির মুখামুখি অইছইন আর তারার ক্ষতির ক্কে ফ্রমাণ দিছইন তারারে অর্থনৈতিক ক্ষতির ক্ষতিফূরণ দিতো অইবো। অর্থনৈতিক ক্ষতির মূল্যায়ন কেইস বায় কেইস ভিত্তিৎ অইবো। 

ডাটা লঙ্ঘনোর ফলো ক্ষতি অথবা লুকসানোর মুখামুখি ক্লাস সদইস্য হকলর দাবি মূল্যায়ন আর শেষ করার লাগি ডিপার্টমেন্টো যেতা ফ্রক্রিয়া অনুসরণ করবো  অউ ফ্রক্রিয়া  নির্ধারণ দিয়া দেয়।

সংক্ষেপে, ইতা ফ্রক্রিয়ার মাঝে যেতা আছে:

  • ক্লাস সদইস্য হকলর দাবির ফ্রতিফলন ঘটানির লাগি আর অর্থনৈতিক নায় এমন ক্ষতির ক্ষতিফূরণ হিসাবো সাইয্য করার লাগি বানানি শ্রেণিবিভাগোর টেবিল অনুসারে যেতা ক্লাস সদইস্যয় আবেদন আর/অথবা ক্ষতি অথবা লুকসানোর প্রমাণ জমা দিছইন তারারত্যেকরে ডিপার্টমেন্টে ক্ষতিফূরণর একটা ফরিমাণ বরাদ্দ করছইন।
  • ডিপার্টমেন্টে ফ্রস্তাবিত ক্ষতিফূরণোর ফরিমাণ আর লগোর ফ্রমাণাদির মূল্যায়নোর ব্যাফারে অংশগ্রহণকারী ক্লাস সদইস্য অথবা তারার ফ্রতিনিধির লগে যোগাযোগ খররা আর ক্ষতিফূরণোর ফরিমাণোর ব্যাফারে তারার সম্মতি চাইরা।
  • ক্ষতিফূরণোর ফরিমাণোর ব্যাফারে ডিপার্টমেন্ট আর কুনু ক্লাস সদইস্য একমত না অইলে ডিপার্টমেন্টো ক্ষতিফূরণোর ফরিমাণ আবার মূল্যায়ন কইরতেফারইন, আর ফুনঃমূল্যায়ন করা ক্ষতিফূরণোর ফরিমাণোর ব্যাফারে ক্লাস সদইস্য অথবা তারার ফ্রতিনিধির সম্মতি চাইতা ফারইন।
  • ফুনঃমূল্যায়নোর ফরে টেবিলোর যেতা শ্রেণিত ক্লাস সদইস্যরে অন্তর্ভুক্ত করা অইছে তার ব্যাফারে দুই ফক্ক একমত অইতে না ফারলে, আর ভিন্ন মতামতোর ফক্কে ফ্রত্যেক ফক্কে কুনু ফ্রমাণ দিলে, বিশেষইজ্ঞ মূল্যায়নোর মাধ্যমে অতিরিক্ত আবেদন লইতে অইবো, খালি যুদি অংশগ্রহণকারী ক্লাস সদইস্যয় উত্তর ফ্রদানকারীর মূল্যায়ন হাতো ফাওয়ার ২৮ দিনোর মাঝে, অথবা ফুনঃমূল্যায়ন(যদি থাকে) হাতো ফাওয়ার ২৮ দিনোর মাঝে তার উত্তর দেইন না অউ অবস্থা বাদে। ফ্রাথমিক মূল্যায়নোর ফরেও যেকুনু হময় ডিপার্টমেন্টে চাইলে বিশেষইজ্ঞ মূল্যায়নোর লাগি রেফার করতা ফারবা।

ফ্রক্রিয়া শেষে কুনু দাবি অমীমাংসিত থাকলে তার লাগি কমিশনারে ক্ষতিফূরণোর পরিমাণ ঘুষণা করবা।

কমিশনারে দেখছইন যে যেতা ক্লাস সদইস্যয় নির্ধারিত তারিখোর আগে OAIC-অর কাছে কুনু আবেদন আর/অথবা ফ্রমাণ জমা দিছইন না, আর অংশগ্রহণ না করার সিদ্ধান্ত লইছইন না, তারা তারার গুফনীয়তা নষ্ট অওয়ার লাগি যেতা ক্ষতি অথবা লুকসানোর মুখামুখি অইছইন অতা ফ্রমাণ করতা ফারছইন না, আর কমিশনারে ঘুষণা করছইন যে ইতা ব্যক্তির ব্যাফারে আর কুনু ফদক্ষেপ লওয়া ঠিক অইতো নায়।

ঘনঘন যেতা ফ্রশ্ন জিগানি অয়

ইতা নির্ধারণ আমার ক্ষেত্রৎ ফ্রুযোজ্য কিনা ইতা ব্যাফারো আমি নিশ্চিত নায়

যুদি আফনে ৩১ জানুয়ারি ২০১৪ তারিখো  মাঝ রাইতো মেইনল্যান্ড অস্ট্রেলিয়া অথবা ক্রিসমাস আইল্যান্ডো অভিবাসনও আটকাইল অবস্থাৎ থাকিয়া থাকইন, আর ফ্রতিনিধিত্বমূলক অভিযুগো অংশ না লওয়ার সিদ্ধান্ত না লইয়া থাকইন, 'ক্লাস সদইস্য' হিসাবো আফনার কাছো  নির্ধারণটা পৌঁছাইবো।

ক্লাস সদইস্যরার মাঝে আছে ৫,৮৬৭ জন ব্যক্তি যেইন অভিবাসন আটক সুবিধা আর বিকল্প আটকানির জাগাত আছলা (মেইনল্যান্ডো অভিবাসন আটক অবস্থাত ৩,৯৬৭ জন আর ক্রিসমাস আইল্যান্ডো অভিবাসন আটক অবস্থাত ১,৯০০ জন সহ) অর লগে ৩১ জানুয়ারি ২০১৪তে মাঝ রাইত ফর্যন্ত কমিউনিটিৎ একখান আবাসিক সিদ্ধান্তর অধীনে থাকা ৩,৩৯১ জন।

সব ক্লাস সদইস্যয় ক্ষতিফূরণ ফাইবা নি?

না।

যেতা ক্লাস সদইস্য নোটিশোর উত্তরে আবেদন আর/অথবা ফ্রমাণ জমা দিছইন যাতে বুঝা যায় যে তারা ডাটা লঙ্ঘনোর ফলে লুকসান অথবা ক্ষতির মুখামুখি অইছইন, তারারে কমিশনার দ্বারা নির্ধারিত উফায়ে ক্ষতিফূরণ দেওয়া অইবো।

যেতা ক্লাস সদইস্যয় নির্ধারিত তারিখোর আগে OAIC-অর কাছো কুনু আবেদন আর/অথবা ক্ষতি অথবা লুকসানোর ফ্রমাণ জমা দিছইন না, আর অংশগ্রহণ না করার সিদ্ধান্ত লইছইন না, তারা তারার গুফনীয়তা নষ্ট অওয়ার লাগি যেতা ক্ষতি অথবা লুকসানোর মুখামুখি অইছইন অতা ফ্রুমাণ করতে ফারছইন না। এর লাগি, তারারে ক্ষতিফূরণ দেওয়া অইতো না।

আমি কিতা করিয়া জানমু আমারে ক্ষতিফূরণ দেওয়া অইবো কি না?

যেতা ক্লাস সদইস্য নোটিশোর উত্তরে আবেদন আর/অথবা ফ্রুমাণ জমা দিছইন যাতে বুঝা যায় যে তারা ডাটা লঙ্ঘনোর ফলে লুকসান অথবা ক্ষতির মুখামুখি অইছইন, তারারে কমিশনার দ্বারা নির্ধারিত উফায়ে ক্ষতিফূরণ দেওয়া অইবো

আফনে যদি ইতা অংশগ্রহণকারী ক্লাস সদইস্যর একজন অইয়া থাকইন, তাইলে ডিপার্টমেন্টে আফনার দাবির ব্যাফারে তারার মূল্যায়ন সম্পর্কে আফনারে লেখিয়া জানাইবা আর আফনারে ইতা মূল্যায়ন গ্রহণ অথবা বর্জন করার সুযুগ দিবা।

আফনে কমিশনার দ্বারা নির্ধারিত উফায়ে ক্ষতিফূরণ ফাওয়ার লাখান একজন ক্লাস সদইস্য কিনা ইব্যফারো   অনিশ্চিত অইলে enquiries@oaic.gov.auওউ ঠিকানাত ইমেইল দিয়া OAIC-অর লগে যুগাযুগ করতা ফারইন।

ফরোর ধাপ হকল কিতা?

আফনে এখজন অংশগ্হণকারী  ক্লাস সদইস্য অইলে ফরোর ধাপ হিসাবে ডিপার্টমেন্টে আফনারে লিখিতভাবে নীচোর  ব্যাফারগুলা জানাইবো:

  • আফনার দাবি টেবিল ১-অর রেফারেন্স অনুসারে লুকসান অথবা ক্ষতির যেতা শ্রেণিবিভাগো ফড়ে তার মূ্ল্যায়ন
  • অর্থনৈতিক নায় এমন ক্ষতি আর/অথবা অর্থনৈতিক ক্ষতির লাগি আফনারে দেয়া ক্ষতিফূরণোর ফরিমাণোর মূল্যায়ন
  • মূল্যায়নোর কারণ হকল, আর
  • ডিপার্টমেন্টোর মূল্যায়নোর ব্যাফারে আফনার সম্মতি অথবা অসম্মতি জানানির লাগি আফনারে একটা ফর্ম ফূরণ করতো অইবো।

ডিপার্টমেন্টোর মূল্যায়ন হাতো ফাওয়ার ফরে এর উত্তর দিবার লাগি আফনে ২৮ দিন হময় ফাইবা। মূল্যায়নোর ব্যাফারটা বিবেচনা করার লাগি যুদি আফনার আরো হময় লাগে তাইলে হময় বাড়ানির আবেদন করার লাগি ডিপার্টমেন্টোর লগে যুগাযুগ করইন।

আমি যুদি ডিপার্টমেন্টোর মূল্যায়নোর ব্যাফারে রাজি অই তে কিতা অইবো?

যুদি আফনে আফনার ক্ষতিফূরণোর দাবির ব্যাফারে ডিপার্টমেন্টোর মূল্যায়নো একমত অইন তাইলে মূল্যায়নোর লগে যে ফ্রতিক্রিয়া ফর্ম ডিপার্টমেন্টে আফনারে দিছলা অটা আফনে ফূরণ করতে ফারইন ফ্রতিক্রিয়া ফর্মো আফনে ডিপার্টমেন্টরে জানাইবা যে আফনে মূল্যায়নোর ব্যাফারে একমত, ইতা ক্ষেত্রৎ ডিপার্টমেন্টে একটা যুক্তিসঙ্গত সময়োর ভিতরে আফনার মনোনীত ব্যাংক অ্যাকাউন্টো সম্মত ক্ষতিফূরণোর ফরিমাণ ফ্রুদান করবা। সাধারণত, সম্মতি সম্পন্ন অওয়ার ১৪ দিনোর ভিতরে ইকটা ফৌছায়, তবে শর্ত থাকে যে ফ্রাসঙ্গিক ক্ষেত্রৎ মেডিকেয়ার (Medicare)-অর ফক্ক থাকি নিশ্চিত করতে অইবো যে তারার কাছোে পরিশুধ লইয়া কুনু বাধ্যবাধকতা নাই।

ক্ষতিফূরণ আর বিজ্ঞপ্তি সংক্রান্ত বাধ্যবাধকতা আয় যুদি আফনারে কুনু বিশেষইজ্ঞ সেবা দেয়া অইয়া থাকে  তার খরচ মেডিকেয়ারে পরিশুধ করে। আরও তইথ্য নীচে দেয়া আছে। আফনে যেতা সেন্টারলিঙ্ক পেমেন্ট ফাইরা অতারে একখান অ্যাওয়ার্ড অব কম্পেন্সেশনে ফ্রভাবিত করতো ফারে।

ডিপার্টমেন্টর মূল্যায়ন ফাওয়ার ২৮ দিনর মাঝে ইতা উত্তরর ফর্ম আফনার ডিপার্টমেন্টো ফিরত দেওয়া উচিত।

আমি যুদি ডিপার্টমেন্টর মূল্যায়ন না মানি  তাইলে কিতা অইবো?

আফনার দাবির ক্ষতিফূরণর ডিপার্টমেন্টর মূল্যায়ন যুদি আফনে মানইন না তাইলে ডিপার্টমেন্টে আফনারে যে উত্তর ফর্ম দিবো অটা ফূরণ করা দরকার যাতে আমরা বুঝতাম ফারি যে আফনে মূল্যায়ন টা মানইন না। ডিপার্টমেন্টর মূল্যায়ন ফাওয়ার ২৮ দিনর মাঝে ইতা উত্তরর ফর্ম আফনার ডিপার্টমেন্টো ফিরত দেওয়া উচিত।

বেশিরভাগ ক্ষেত্রৎ, আফনার ক্ষতিফূরণর দাবিরে ডিপার্টমেন্টে আবার মূল্যায়ন করবো আর আফনারে আরেকটা সুযুগ দিব যাতে আফনে ওউ মূল্যায়ন মানিয়া নিতা ফারইন অথবা না মানতা ফারইন। কিছু ক্ষেত্রৎ, আবার মূল্যায়নর ফরে আফনার দাবির লাগি ডিপার্টমেন্টে এক্সপার্ট মূল্যায়ন করতো ফারে। ডিপার্টমেন্টর ফুনঃমূল্যায়ন ফাওয়ার ফরে আফনারে ২৮ দিন দেওয়া অইবো যাতে আফনে আবার ইকটা মানতে ফারইন অথবা না মানতে ফারইন। আবার, ফুনঃমূল্যায়ন বিবেচনা করার লাগি যুদি আফনার আরও হময় লাগে তাইলে ডিপার্টমেন্টর লগে যুগাযুগ করোউক্কা।

টেবিলোর যে বিভাগো আফনারে ফালানি অইছে অউ কথা লইয়া যুদি আফনে ডিপার্টমেন্টর ফুনঃমূল্যায়ন মানইন না আর ফ্রত্যেক ফক্কর ভিন্ন মতামতর যুদি ফ্রুমান থাকে তাইলেএক্সফার্ট মূল্যায়ন দিয়া আরও জমা নেয়া অইতো ফারে। কিছু ক্ষেত্রৎ, আবার মূল্যায়নর ফরে আফনার দাবির লাগি ডিপার্টমেন্টে এক্সপার্ট মূল্যায়ন করতো ফারে।

ডিপার্টমেন্টর মূল্যায়ন অথবা ফুনঃমূল্যায়নর উত্তর যুদি আমি না দেই  তাইলে?

অতিরিক্ত সময় দিবার উফরে নির্ভর করিয়া, মূল্যায়ন ফাওয়ার ২৮দিনোর    মাঝে যুদি আফনে ডিপার্টমেন্টরে কুনু উত্তর দেইন না অথবা ফুনঃমূল্যায়ন ফাওয়ার ২৮ দিনোরর মাঝে যুদি আফনে ডিপার্টমেন্টরে কুনু উত্তর দেইননা, ডিপার্টমেন্টে OAICরে জানাইবা যে আফনে কুনু উত্তর দিছইন না আর কমিশনারে আফনার দাবির ক্ষতিফূরণর কুয়ান্টামর ঘুষণা দিবা।

এক্সপার্ট মূল্যায়ন কিতা?

এক্সপার্ট মূল্যায়ন অইলো একজন স্বাধীন তৃতীয়-ফক্ক বিশেষইজ্ঞ যেইন একটা মূল্যায়ন করবা। বিশেষইজ্ঞ তাইনর দক্ষতা আর জ্ঞান ব্যবহার করিয়া হকল ফইক্ষর ফ্রুমাণ দেখিয়া একখান মূল্যায়ন করইন।

বিশেষইজ্ঞ হকলরে কিতা করিয়া নেওয়া অইবো?

বিশেষইজ্ঞ হকল স্বাধীন থাকবা আর তারার কাম করার লাগি যথাযথ যুগ্যতা আর অভিজ্ঞতা থাকবো, OAIC এর দ্বারা যেতা চিহ্নিত।

ডিপার্টমেন্ট আর স্লেটার আর গর্ডন দ্বারা বিশেষইজ্ঞ হকলরে লওয়া অইবো (হকল ইক্ষরে লইয়া)। যেবলা হকল ফক্কে একজন বিশেষইজ্ঞরে লইবা, ফ‌ইক্ষ হকলে OAICরে বিশেষইজ্ঞর নামে, বিবরণ তইথ্য, যুগ্যতা আর অভিজ্ঞতা দিবা আর তারা কিতা ইনফর্মেশন কমিশনারর অনুমোদনের লাগি যুইগ্য নাকি তা দেখবা।

বিশেষইজ্ঞ হকলে তারার মূল্যায়ন কিতা করিয়া করবা?

কমিশনারর ডিটার্মিনেশনর, যেতা অনো আছে, অনুযায়ী যেতা অর্থনৈতিক আর অর্থনৈতিক নায় এমন ক্ষতির মানদণ্ড অনুযায়ী বিশেষইজ্ঞে তাইনর ফরামর্শ দিবা।

 

 

 

 

অংশগ্রহণকারী ক্লাসর সদইস্যে যে অর্থনৈতিক আর/অথবা অর্থনৈতিক নায় এমন ক্ষতির দাবি করবা, বিশেষইজ্ঞে অতখান ক্ষতির অনুমুদন দিবা। অর্থনৈতিক নায় এমন ক্ষতির কোয়ান্টামর ক্ষতির ফরিমাণ বিশেষইজ্ঞে অনুমুদন করবা উফরর  টেবিল ১-অ থাকি।

টেবিল ১ বানানি অইছে অর্থনৈতিক নায় এমন ক্ষতির ক্ষতিফূরণর হিসাবো সাইয্য করার লাগি। অর্থনৈতিক ক্ষতির ক্ষতিফূরণ হিসাবো সাইয্য খরকরার লাগি ইতা  বানানি অইছে না। অর্থনৈতিক ক্ষতির ক্ষতিফূরণ একটা কেইস ভিত্তিৎ দেয়া অইবো। 

বিশেষইজ্ঞের মূল্যায়নর ফ্রক্রিয়া ফেফারো করা অইবো বিশেষইজ্ঞে একটা মূল্যায়ন করবা যেতা কইয়া দিবো যে অংশগ্রহণকারী ক্লাস সদইস্যরে কতখান দেওয়া অইবো, যেতা নির্ভর করবো:

  • নোটিশে দেওয়া ডেডলাইনর আগে OAICরে অংশগ্রহণকারী ক্লাসর সদইস্যে যে ফ্রুদান করা জমা আর/অথবা ক্ষতি অথবা ক্ষতিফূরণ
  • ডিপার্টমেন্ট মূল্যায়ন আর কারণ
  • ডিপার্টমেন্ট ফুনঃমূল্যায়ন (যদি থাকে) আর কারণ
  • অংশগ্রহণকারী ক্লাস সদইস্যর উত্তর ফর্মও যেতা তইথ্য।

বিশেষইজ্ঞ হকলে তারার ফরামর্শ দিবা আর কারণও দিবা সরাসরি OAIC এর কাছো যেতা ফক্ক হকলে কপি করবা।

বিশেষইজ্ঞ হকলে তারার মূল্যায়ন করার আগে অথবা ফরে কিতা আমারে আরও জমা অথবা উফ্রমাণ ফ্রুদান করবার সুযুগ দেওয়া অইবো নি?

না।

ইক্ষ হকলের কাছো বিশেষইজ্ঞর কাছে আরও জমা অথবা ফ্রুমাণ ফ্রুদান করার সুযুগ দেওয়া অইতো নায়, মৌখিক অথবা লিখায়

বিশেষইজ্ঞর মূল্যায়ন কিতা বাধ্যতামূলক নি?

না।

মূল্যায়ন হকল ফরামর্শ হিসেবে থাকবো আর ফক্ক হকলের লাগি বাধ্যতামূলক থাকতো নায়।

আমারে কিতা বিশেষজ্ঞর মূল্যায়নরে মানার অথবা না মানার সুযুগ দেওয়া অইবো নি?

হ্যাঁ।

বিশেষইজ্ঞর মূল্যায়নর উত্তর হিসাবে জমা অথবাফ্রমাণ দেওয়ার কুনু অধিকার দেওয়া অইতা নায়। কিন্তু, আফনারে বিশেষইজ্ঞর মূল্যায়ন মানার অথবা না মানার সুয়ুগ দেওয়া অইবো।

আমি যদি বিশেষজ্ঞর মূল্যায়ন মানি তাইলে?

যুদি আফনে বিশেষইজ্ঞের মূল্যায়ন মানইন তাইলে, আফনার ডিপার্টমেন্টরে জানানি দরকার। যুদি ডিপার্টমেন্টে মূল্যায়ন মানে তাইলে ডিপার্টমেন্টে আফনারে সম্মতি ফ্রদান করা ক্ষতিফূরণ একটা যুক্তিসঙ্গত সময়ের মাঝে দিবো। সাধারণত, সম্মতি সম্পন্ন অওয়ার ১৪ দিনোর ভিতরে ইকটা ফৌছায়, তবে শর্ত থাকে যে ফ্রাসঙ্গিক ক্ষেত্রে মেডিকেয়ার (Medicare)-অর ফক্ক থাকি নিশ্চিত করতে অইবো যে তারার jকাছো পরিশুধ লইয়া কুনু বাধ্যবাধকতা নাই। 

ক্ষতিফূরণ আর বিজ্ঞপ্তি সংক্রান্ত বাধ্যবাধকতা আয় যুদি আফনারে কুনু বিশেষইজ্ঞ সেবা দেওয়া অইয়া থাকে কিন্তু তার খরচ মেডিকেয়ারে পরিশুধ করে। আরও তইথ্য নীচো দেয়া আছে।

ডিপার্টমেন্ট অথবা আমি যুদি বিশেষজ্ঞর মূল্যায়ন না মানি তাইলে?

যুদি আফনে আফনার দাবি লইয়া বিশেষইজ্ঞের মূল্যায়ন মানইন না তাইলে, আফনার কমিশনাররে জানানি দরকার। অথবা, ডিপার্টমেন্টে আফনার দাবি লইয়া বিশেষইজ্ঞর মূল্যায়ন না মানতে ফারে। দুইও জাগাত কমিশনারে নির্ধারণ করবা যে আফনার দাবির লাগি আফনে কতখান ক্ষতিফূরণ ফাইবা। ইটা যত তাড়াতাড়ি সম্ভব করা অইবো কিন্তু নির্ধারণর ১২ মাসর আগে করা লাগবো।

নির্ধারণ করার ফরে, ইটা যুক্তিসঙ্গত সময়ের মাঝে কমিশনারে যে ক্ষতিফূরণ খইবা ডিপার্টমেন্টে আফনারে অতখান দিবো। সাধারণত, ইকটা নির্ধারণর ১৪ দিনর মাঝে করা অইবো, যুদি কুনু ক্ষতিফূরণর দায়িত্বর লাগি দরকার অয় তাইলে ইতা মেডিকেয়ারর কাছ থাকি নিশ্চিতকরণর উফরে নির্ভরশীল থাকবো।

ফ্রতিনিধি অভিযুগকারীর কাম কিতা?

প্রতিনিধি অভিযোগকারীএ ক্লাস সদইস্য হকলর ফক্ক তাকি OAIC এর খাছে গোফনীয়তার অভিযোগ খরবা আর ক্লাস সদইস্য হকলর ইচ্ছার ফ্রতিনিধি খরবা। স্লেটার অ্যান্ড গর্ডন-এ ফ্রতিনিধিত্বমূলক অভিযোগখারীর ফক্কে খাম খরইন।

যদিও সাধারণত ক্লাসর সদইস্য হকলর দাবি ফরিছালনা করার উফরে ফ্রতিনিধি অভিযোগকারীর একটা অধিকার আছে আর থাকবোও যেমন, ডিপার্টমেন্টর লগে বিশেষইজ্ঞ লওয়া আর অংশগ্রহণকারী ক্লাস সদইস্য হকলর টেমপ্লেইট নির্ধারণ করা, ফ্রতিনিধি অভিযুগকারী হকলে সাধারণত ফ্রত্যেক দাবি ফরিচালনা করার উফরে দায়িত্ব থাকতো নায়।

ডিপার্টমেন্টর কাম কিতা?

ডিপার্টমেন্টর কাম অইলো:

  • ইতা দাবি উফরোর টেবিল ১ ওর ক্ষতি অথবা ক্ষতিফূরণর কুন বিভাগো ইটা ফরে
  • দাবির কতখান ক্ষতিফূরণ দেওয়া অইবো অটার ফ্রস্তাব দেওয়া
  • ফ্রত্যেক অংশগ্রহণকারী ক্লাস সদইস্যর লগে ক্ষতিফূরণর ফরিমাণ লইয়া সম্মতি নেওয়া
  • যদি ইচ্ছা অয় তাইলে বিতর্কিত দাবির এখটা ফুনঃমূল্যায়ন করা
  • ফ্রতিনিধি অভিযোগকারীর লগে এখজন বিশেষইজ্ঞ লওয়া আর অনুমোদনের লাগি বিশেষইজ্ঞরে কমিশনারের কাছো নিয়া যাওয়া
  • কিছু অবস্থাত ক্লাস সদইস্য হকলর লগে বিশেষইজ্ঞ মূল্যায়ন করা
  • যেতা দাবির সমাধান করা অয় না OAICরে অতার কতা জানানি।

কমিশনারর কাম কিতা?

কমিশনারে ইতা ফ্রক্রিয়া দেখবা আর যেতা দাবি ফ্রক্রিয়ার শেষেও সমাধান অয় না অতার ক্ষতিফূরণ নির্ধারণ করবা।

ইতা ফ্রক্রিয়া দেখার সময়, কমিশনারে আরও নির্দেশিকা দিবা (যদি থাকে) যেতা তাইন মনো করইন অংশগ্রহণকারী ক্লাস সদইস্যর লাগি নির্ধারিত পেমেন্ট করার ফরিমাণ তৈরি করার লাগি সঠিক অইবো অথবা অংশগ্রহণকারী ক্লাস সদইস্যর পেমেন্ট লইয়া কুনু সমইস্যার সমাধান করার নিয়ম লইয়া ও নির্দেশিকা দিবা।

আগর মেডিকেয়ারর রিসিটে ক্ষতিফূরণ পেমেন্টরে কিতা করিযা ফ্রভাবিত খরবো?

আফনারে যেতা পেশাদারী সেবা দেয়া অইছে অতার ক্ষতিফূরণ আর বিজ্ঞপ্তির কতা, কিন্তু ইতা মেডিকেয়ার দ্বারা পেমেন্ট করা অইগেছে।

ডাটা ব্রিচর লাগি যুদি আফনারে $৫,০০০ অর বেশি ক্ষতিফূরণ দেওয়া অয় আর আফনার মেডিকেয়ার কার্ড আছে তাইলে আফনারে কুনু ক্ষতিফূরণ দেওয়ার আগে আফনার একটা নোটিশ অব পাস্ট বেনিফিটস অর লাগি অনুরোধ করা লাগবো। একটা নোটিশ অব পাস্ট বেনিফিটস অর অনুরোধ করার ফয়লা খাম অইলো একটা মেডিকেয়ার হিস্টোরি স্টেটমেন্টর অনুরোধ করা। আফনে নীচোর ওয়েবসাইটো গিয়া এখটা মেডিকেয়ার হিস্টোরি স্টেটমেন্ট অর অনুরোধ করতা ফারবা: https://www.servicesaustralia.gov.au/individuals/forms/mo026.

একটা ক্ষতিফূরণর অ্যাওয়ার্ডে কিতা আমার সেন্টারলিঙ্ক পেমেন্টরে ফ্রভাবিত করবো নি?

আফনে যেতা সেন্টারলিঙ্ক পেমেন্ট ফাইরা অতারে একটা অ্যাওয়ার্ড অব কম্পেন্সেশনে ফ্রভাবিত করতো ফারে। যুদি আফনে কুনু সেন্টারলিঙ্ক পেমেন্ট ফাইরা, তাইলে আফনার সেন্টারলিঙ্করে ১৮০০ ৭৭৭ ৬৫৩ অথবা ১৩১ ২০২ (বহুভাষা ফুন সেবা) নম্বরে কল করইন যাতে আফনে আফনার ব্যক্তিগত অবস্থার উফরে ফ্রভাব লইয়া মাততে ফারইন।

আমি কুনখানো বিনামূল্যৎ সাইয্য ফাইতাম ফারি?

যুদি আফনে ভিক্টোরিয়াৎ থাকইন:

আইনি উদ্বাস্তু

ইমেইল: refugeelegal@refugeelegal.org.au

ফুন: (০৩) ৯৪১৩ ০১০০

বুধবার অথবা শুক্রবার

সকাল ১০টা থাকি দুপুর ২টা

এসাইলাম সিকার রিসোর্স সেন্টার

ইমেইল: legal_triage@asrc.org.au

ফুন: (০৩) ৯২৭৪ ৯৮২৭

সোমবার অথবা বৃহস্পতিবার

দুফুর ২টা থাকি বিকাল ৪টা ফর্যন্ত

অথবা

যদি আফনে নিউ সাউথ ওয়েলস অথবা অস্ট্রেলিয়ান ক্যাপিটাল টেরিটরিতে থাখইন অথবা কুইন্সল্যান্ডও ডিটেনশনও আছইন:

রেফিউজি এডভাইস অ্যান্ড কেসওয়ার্ক সার্ভিস (অস্ট্রেলিয়া) ইনকর্পোরেট

ইমেইল: admin@racs.org.au

ফোন: (০২) ৮৩৫৫ ৭২২৭

আইনি উদ্বাস্তু

ইমেইল: refugeelegal@refugeelegal.org.au

ফুন: (০৩) ৯৪১৩ ০১০০

বুধবার অথবা শুক্রবার

সকাল ১০টা থাকি দুপুর ২টা

যুদি আফনে সাউথ অস্ট্রেলিয়াৎ অথবা টাসমানিয়াৎ থাকইন:

রেফিউজি এডভাইস অ্যান্ড কেসওয়ার্ক সার্ভিস (অস্ট্রেলিয়া) ইনকর্পোরেট

ইমেইল: admin@racs.org.au

ফুন: (০২) ৮৩৫৫ ৭২২৭

আইনি উদ্বাস্তু

ইমেইল: refugeelegal@refugeelegal.org.au

ফুন: (০৩) ৯৪১৩ ০১০০

বুধবার অথবা শুক্রবার

সকাল ১০টা থাকি দুপুর ২টা

যুদি আফনে নর্দান টেরিটরিৎ থাকইন:

অথবা

যুদি আফনে ওয়েস্টার্ন অস্ট্রেলিয়াৎ থাকইন:

আইনি উদ্বাস্তু

ইমেইল: refugeelegal@refugeelegal.org.au

ফুন: (০৩) ৯৪১৩ ০১০০

বৃধবার অথবা শুক্রবার

সকাল ১০টা থেকে দুপুর ২টা

অথবা

সার্কেল গ্রিন কমিউনিটি লিগেল

ইমেইল: migration@circlegreen.org.au

ফুন: (০৮) ৬১৪৮ ৩৬৩৬

সরাসরি:

এসাইলাম সিকার হাব

খালি মঙ্গলবার দুফুর ২টা থাকি বিকাল ৫টা ফর্যন্ত

Riverview Church

1 Thorogood Street

Burswood WA 6100

যুদি আফনে অস্ট্রেলিয়াৎ ডিটেনশনো আছইন:

এসাইলাম সিকার রিসোর্স সেন্টার

ইমেইল: legal_triage@asrc.org.au

ফুন: (০৩) ৯২৭৪ ৯৮২৭

সোমবার অথবা বৃহস্পতিবার

দুফুর ২টা থাকি বিকাল ৪টা ফর্যন্ত

যুদি আফনে কুইন্সল্যান্ডো থাকইন অথবা উফরোর তালিকাৎ করা কুনু সংস্থা আফনার ফ্রশ্নর উত্তরহকল দিতা ফারতেছইন না তাঅইলে আফনে যোগাযোগ করতা ফারইন:

স্লেটার অ্যান্ড গর্ডন লইয়ারর্স

ইমেইল: databreach@slatergordon.com.au

ফুন: (০৩) ৯৬০২ ৮৬৫৮

                                                                                        আরও তইথ্য

ইতা অবস্থা লইয়া যুদি আফনার অইন্য কুনু ফ্রশ্ন থাকে তাঅইলে, আফনে OAIC অর লগে ইমেইল-অ যুগাযুগ করতা ফারবা অখানো enquiries@oaic.gov.au.

ইংরেজি ছাড়া অইন্য কুনু ভাষাৎ যুদি আফনার OAIC অর কাছ থাকি সাইয্য লাগে, তাঅইলে দয়া করি ১৩১ ৪৫০ নম্বরো অনুবাদ আর দুভাষী সেবারে কল দেউক্কা আর ১৩০০ ৩৬৩ ৯৯২ অর কতা কউক্কা। বর্তমানে OAICএ খালি মঙ্গবার, বুধবার আর বৃহস্পতিবার হকাল ১০টা তাকি বিকাল ৪টা ফর্যন্ত টেলিফুন কল ও ফ্রশ্নের উত্তর দেইন।

বিনামূল্যৎ অনুবাদ সহায়তা

নিচোর ২০টাইন ভাষার মাঝে একটা ভাষাৎ ডিপার্টমেন্ট তারার  হক্কল চিঠিফত্রের অনুবাদ করিয়া দিতো ফারবো। ফ্রক্রিয়ার ফয়লা ডিপার্টমেন্ট আফনার লগে যুগাযুগ করবো অখান জিগাইবার লাগি যে আফনার কিতা ইংরেজি ছাড়া অইন্য কুনু ভাষাৎ যুগাযুগ করা লাগবো নি।

ডিপার্টমেন্ট আফনের জমা দেয়া হকল  তইথ্যরে নীচোর কুনু একটা ভাষা থাকি ইংরেজিৎ অনুবাদ করিয়া দিবার ব্যবস্থা করব।

ইতা অনুবাদ সেবার টেহা ডিপার্টমেন্টেউ দিয়া দিবো।